شكون حنا
شكون حنا؟
بريكولة هي منصة صمّمناها باش تسهّل عليك قضاء المهام اليومية بطريقة سريعة وبسيطة. سواء كنت تحتاج واحد يعاونك في خدمة، ولا عندك مهارة وحاب تعرض خدماتك، بريكولة تربطك بالشخص المناسب بكل سهولة.
أي واحد يحتاج خدمة يقدر ينشر مهمة، والناس اللي يقدمو خدمات يقدرو يبعثولو عروضهم مباشرة. يعني طريقة سهلة وموثوقة باش تجمع بين اللي يحتاج خدمة واللي يقدر ينجزها.
مهمتنا
هدفنا هو نسهلو الحياة اليومية للناس، سواء في البحث على المساعدة أو في إيجاد فرص عمل لمقدمي الخدمات. حابين نوفرو منصة تكون فيها الفرص ديما قريبة منك، سهلة تلقاها وسهلة تستعملها.
ورانا نخدمو باستمرار باش نطورو بريكولة، وكل ميزة جديدة وكل تحديث نديروه راهو باش يخلي تجربتك أحسن، أسرع، وأكثر فائدة.
واش نقدمو؟
طريقة سهلة باش تنشر مهمة أو تلقى مهمة تناسبك.
دردشة مدمجة داخل التطبيق للتواصل المباشر بين المستخدمين.
خريطة تساعدك تلقى الفرص اللي قريبة منك.
نظام عملات (Coins) ينظم التعاملات ويخليها عادلة.
نظام تقييم وسمعة يزيد الثقة بين المستخدمين.
رؤيتنا
نآمنو بلي التعاون والتواصل بين الناس يقدرو يصنعو فرق كبير. بريكولة ماشي غير تطبيق، بل هي خطوة نحو بناء مجتمع أكثر تعاون وترابط.
رؤيتنا هي نساهمو في مستقبل أفضل، وين يقدرو الناس يخدمو مع بعض بسهولة، يلقاو الفرص بسرعة، ويزيدو يثقو في بعضهم.
ونفتخرو بلي نساهمو في تطوير الجزائر، من خلال دعم الأفراد، تشجيع المواهب المحلية، وتقوية روح التعاون داخل المجتمع.
للمستقبل
بريكولة راها تكبر وتتطور معاكم. احتياجاتكم، اقتراحاتكم، وتجربتكم هي اللي توجه كل خدمة جديدة نقدموها.
حنا ما راناش نبنيو غير منصة، راهي نبنيو مجتمع.
اتصل بينا
إذا كان عندك أي استفسار يخص حماية البيانات:
البريد الإلكتروني: contact@dz-coders.dz
العنوان: خنشلة، الجزائر
الهاتف: +213 660913894